Xalq artisti Faiq Ağayev 29-30 dekabr tarixlərində Heydər Əliyev Sarayında möhtəşəm konsert verib.
AZXEBER.COM xalq artistinin konsertindən ən diqqətçəkən 10 məqamı qeyd edir.
1. Hər zaman olduğu Faiq Ağayev konsertdə bütün detalları incəliklərinə qədər araşdırıb, bütün işlərə şəxsən özü nəzarət etmişdi. Bu da tamaşaçıların 3 saat ərzində sözün əsl mənasında istirahət etməsinə gətirib çıxardı. Xüsusən, tamaşaçıların xalq artistini ürəkdən alqışlaması və ona tam dəstək olmaları diqqətdən yayınmadı.
2. Multikulturalizm ilində son konsert olan "100% F.A"-da xalq artisti bu əlamətdar hadisəni də unutmadı və konsertdə "Zəngi yarım" mahnısını ifa edib, Azərbaycanda birgəyaşayışın həyat tərzi olduğunu vurğuladı.
3. Xalq artisti sevilən mahnılarını yeni aranjmanda fanatlarına təqdim etdi.
4. Hər zaman gənclərə dəstək olan F.A bu dəfə də ənənəsinə sadiq qaldı və səhnəni gənc müğənni Əhməd Mustafayevlə bölüşdü.
5. Müğənni hər zaman olduğu kimi bu konsertində də valideynlərinə olan hörmətini, sevgisini hər kəsə göstərdi. Faiq Ağayevin anası ilə dialoqu tamaşaçıları kövrəltdi və onlar valideynlərinə göstərdiyi bu sayğıya görə xalq artistini doyunca alqışladılar.
6. Faiq Ağayev jurnalistlər, KİV işçilərinə xüsusi qayğı ilə yanaşdı və konsertdə bir neçə dəfə jurnalistlər haqda xoş sözlər söylədi.
7. Konsertin sonunda Azərbaycan Dövlət Himninin səslənməsi və hər kəsin himnimizi ayaq üstdə oxuması diqqətdən yayınmadı. Faiq Ağayev bir daha dövlətə, dövlətçiliyə bağlı olduğunu, xalqını, millətini nə qədər sevdiyini göstərdi.
8. Müğənni ənənəsinə sadiq qalaraq, yenə də ad gününü sevənləri ilə - fanatları ilə keçirdi. Bu da xalq artistinin sənətini nə qədər sevdiyinin və tamaşaçılarına nə qədər önəm verdiyinin göstəricisi oldu.
9. Faiq Ağayev konsertdə təkcə ifaları ilə deyil, maarifçi söhbətləri ilə də yadda qaldı. Belə ki, müğənni multikulturalizmdən tutmuş, Heydər Əliyev Sarayının yaranma tarixinə qədər bir çox mövzu haqda ətraflı məlumat verdi. Natiqlik sənətinin fenomenlərindən olan ifaçı bu dəfə də maraqlı söhbətləriylə yadda qaldı.
10. Ümumilikdə isə bu konserti "İlin ən yüksək səviyyəli" konserti adlandıra bilərik.
