Aprelin 25-də məsciddə namaz qılarkən bir müsəlmanı bıçaqlayaraq öldürən şübhəli İtaliyanın Pistoia şəhərində polis bölməsinə təslim olub.
AZXEBER.COM xarici mətbuata istinadən xəbər verir ki, 25 aprel cümə günü Fransanın Ales şəhəri yaxınlığındakı La Grand-Combe qəsəbəsindəki Hatice məscidində bir müsəlmanı bıçaqlayaraq öldürən şübhəli İtaliyada saxlanılıb.
Ales Respublika Prokurorluğu, şübhəli Olivier H.-nin dünən axşam yerli vaxtla saat 23:00 radələrində Pistoia polis bölməsinə gəldiyini və orada saxlanıldığını və Fransaya göndərilməsinin gözlənildiyini açıqladı.
Prokurorluq həmçinin qeyd edib ki, şübhəli şəxs "terrorçu" kimi təsvir edilə bilməz və buna görə də Milli Terrorla Mübarizə Prokurorluğu bu işə qarışmayacaq.
Fransa İslam Şurası (CFCM) yazılı açıqlamada "anti-İslam terror hücumunu" ən sərt şəkildə pisləyib.
Gülay
