"30 Avqust "Beynəlxalq İtkin Düşənlər Günü" sadəcə bir günün Ermənistan rejiminin müharibə cinayətlərini araşdırmağa yetəcək deyil. 90-cı illərin əvvəllərində Azərbaycan və Ermənistan arasında başlanan müharibədə bu günə kimi 3890 azərbaycanlının taleyi müəmmalı olaraq qalıb . Nədənsə dünyanın ədalətə, sülhə çağırış tribunalarında problem bizə çatanda beynəlxalq təşkilatların nitqi quruyur".
Bu sözləri AZXEBER.COM-a açıqlamasında Gənclər üçün Təhsil Mərkəzinin icraçı direktoru Fəxrəddin Həsənzadə bildirib. Onun sözlərinə görə Azərbaycan itkinlərin sayına görə dünyada ön sıralarda durur. Bunun ən böyük səbəbi isə tarix boyu xalqımızın erməni hərbi cinayətlərindən əziyyət çəkməsidir:
"Təsəvvür edin nə etdiyi, başına hansı bəlalar gəldiyi ,məzar daşı belə olmayan, bəlkədə hal hazırda ölümünün son günlərini gözləyən bu qədər insan və hər sabah onların bir gün qayıdışını gözləyən onlarla ailə üzvü bir gün beynəlxalq təşkilatların və sözdə münaqişədə vasitəçi olan ölkələrin fəaliyyətsizliyinin ildönümünü qeyd edir. Ümid ilə onların bir gün fəaliyyətini, bu problemlərin erməni cinayətkar höküməti qarşısında qaldırılmasını gözləyir.
Cəmiyyət olaraq hərkəsdə bir fikir formalaşıb ki, Azərbaycanın beynəlxalq təşkilatların üzərinə götürməli və etməli olduğu Ermənistan Hökümətinin bütün cinayətlərini təkbaşına mühakimə etməkdə davam edir. İkinci Qarabağ müharibəsində əsir düşən erməni əsgərlərinin geri qaytarılması bu mühakimənin bütün hallarda ədalətli və humanizm prinsipləri əsasında həyata keçirdiyimizə sübutdur".
Təşkilat rəhbəri həmçinin beynəlxalq təşkilatların azərbaycanlı əsirlərə və itkinlərə qarşı münasibətdə biganə yanaşdığını söyləyib:
"Sadəcə dünya ictimaiyyəti , sülh libası geyinən və məramları bizə aydın olan tərərəflər anlamalıdır ki , 719 nəfəri sivil əhali olmaqla 3890 nəfər, həmçinin nisbətən yaxın tarixdə 1998-2001-ci illərdə Qirmızı Xaç Komitəsi tərəfindən 54 nəfər əsirimizin adlarının yer almasına baxmayaraq, cəmi 17 nəfər həmyerlimizin nəşinin geri qaytarılması bizim üçün sadəcə riyazi rəqəm deyil. Bu şəxslər bizim bir parçamız və dirisi və ölüsü ilə bizim qəhrəmanlarımızdı. Qırmızı Xaç Komitəsi və digər beynəlxalq təşkilatların münaqişədə sülh məramı ilk öncə bu prosesdən keçməli və Ermənistan tərəfinin cinayət faktı dünya ictimaiyyətinə açıqlanmalıdır".
Günel
