Fransa parlamenti "erməni soyqırımı" haqqında qanunu qəbul etdi
Bütün Xəbərlər
19:26 22.12.2011
1875
Bu gün Fransa parlamentində müzakirəyə çıxarılacaq qondarma erməni soyqırımını inkar edənlərin cəzalandırılmasını nəzərdə tutan qanun layihəsi qəbul edilib. Səsvermə zamanı salonda 50 millət vəkili olub. Bu isə 577 üzvlük məclisin təxminən 10 faizi deməkdir. İndi layihə senata göndəriləcək. Bugünkü müzakirələrdə ilk olaraq qanun layihəsinin müəllifi olan hakim Xalq Hərəkatı partiyasının millət vəkili Valerie Boyer çıxış edib. Boyer burada məqsədin münasibətləri pozmaq yox, Fransa vətəndaşlarını qorumaq olduğunu deyib. “Bəzi ölkələr 1915-ci il hadisələrini inkar edərək cinayət ediblər, cəzasız qalıblar. 1914-cü ildə ermənilərin 2/3-si qətlə yetirilib. Sizdən dəstək gözləyirəm”, deyə o bildirib. İclasda ümumilikdə 17 millət vəkili çıxış edib. Çıxış edənlərdən Fransa-Türkiyə Parlamentlərarası Dostluq Qrupunun rəhbəri Michel Diefenbacher və sağ mərkəzçilərin prezidentliyə namzidəi Francois Bayrou qanun layihəsinin əleyhinə olublar. Bayrou, "Bəli, Ruandada, Kambocada da qətliam olub. Bunlar da mı gələcək? Məncə, təhlükəli bir yola giririk", deyə bildirib. Çıxışlardan sonra səsvermə həyata keçirilib. Qanun layihəsinə görə, "soyrımı"nı inkar edəni 1 il həbs və 45 min avro cərimə gözləyir.
