Fransa xarici işlər naziri Jan-Mark Eyro britaniyalı həmkarı Boris Consonu yalan danışmaqda günahlandırıb.
"Report" "Reuters"ə istinadən xəbər verir ki, o, britaniyalıhəmkarının "Brexit" kampaniyası zamanı yalan danışdığını açıqlayıb.
"Consona görə narahat deyiləm. Amma "Brexit" kampaniyası zamanı o, çox sayda britaniyalıya yalan danışıb. İndi də divara sıxışdırılıb", - deyə Fransa XİN başçısı "Europe 1" radiostansiyasının efirində bildirib.
Eyro həmçinin rahat danışa və etibar edə biləcəyi tərəfdaşa ehtiyac duyduğunu qeyd edib.
Xatırladaq ki, iyulun 13-də Böyük Britaniyanın yeni baş naziri Tereza Mey Londonun keçmiş meri Boris Consonu xarici işlər naziri postuna təyin edib.
