Fuad Hüseynov BDU-dan çıxarılıb? – RƏSMİ AÇIQLAMA

Fuad Hüseynov BDU-dan çıxarılıb? – RƏSMİ AÇIQLAMA
SOSİAL
13:21 20.11.2026
173
Bakı Dövlət Universitetinin (BDU) informasiya-kommunikasiya texnologiyaları (İKT) üzrə mütəxəssisi Fuad Hüseynovun işdən çıxarıldığı iddia olunur.

İddialarda onun hansı səbəbdən işdən çıxarıldığı barədə məlumat əks olunmayıb. 

Məsələ ilə bağlı AZXEBER.COM-a açıqlamasında universitetin Mətbuat katibi Kəmalə Namazova bildirib ki, Fuad Hüseynovun işdən çıxarılması doğru məlumat deyil:

"Fuad Hüseynovun Bakı Dövlət Universitetindən işdən çıxarılması ilə bağlı yayılan məlumatlar əsassızdır. Onun vəzifəsindən azad edilməsi barədə iddialar həqiqəti əks etdirmir”.

Qeyd edək ki, Fuad Hüseynov BDU-da imtahanlar zamanı köçürmə hallarının qarşısının alınmasına nəzarət edir, belə hallar aşkarlandıqda sərt tədbirlər görür.

Aynur Babazadə
OXŞAR XƏBƏRLƏR