Mütəxəssislər sağlam yuxu üçün məsləhətlər veriblər.
Bildiyimizə görə, yuxu yaxşı qidalanma və aktiv həyat tərzi ilə yanaşı sağlamlığın sütunudur. Hər gecə orta hesabla 7-8 saat yuxu almamaq yüksək təzyiqdən tutmuş piylənmə riskinin artmasına qədər bəzi xəstəliklərin yolunu açır.
AZXEBER.COM Türkiyə mediasına istinadən xəbər verir ki, Dr. Sinan Akkurt köşə yazısında yuxunun əhəmiyyətindən danışıb.
Onun sözlərinə görə, yuxu vacibdir. Oyanıq olmaq, fit hiss etmək və məhsuldar olmaq üçün nizamlı bir gecə yuxusu vacibdir. Hətta bir gecəni yuxusuz və ya bir neçə saat yuxu ilə keçirmək bizə idrak baxımından mənfi təsir göstərir. Biz bütün günü özümüzü daha əsəbi, yuxulu hiss edirik, diqqəti cəmləməkdə çətinlik çəkirik, yaddaş və diqqətdə problemlər yaranır. Bu, işimiz və ya məktəb səmərəliliyimiz baxımından bizə təsir edəcək, həmçinin qəzaya düşmə riskimizi artıracaq və bizi depressiyaya daha çox meylli edəcək. Gecə yuxusuzluğunun fiziki təsiri də var. Uzun müddət davam edən gecə yuxusuzluğu stress hormonlarının artmasına səbəb olur ki, bu da istirahət zamanı ürək döyüntüsünü və qan təzyiqini artırır. Bu, hərdən baş verəndə adətən narahatlıq doğurmur. Ancaq bir ay və ya daha çox davam edərsə, ürəyin sağlamlığına, psixi sağlamlığına və idrak qabiliyyətlərinə qalıcı təsir göstərə bilər.
Dr. Sinan Akkurt immunitet sisteminizdəki bu balanssızlığın birbaşa ürək xəstəliyi ilə bağlı olduğunu da bildirib. O, həmçinin yuxunun çox vacib olduğunu vurğulayıb.
- Yuxu xatirələri yaddaşınızda saxlamağa kömək edir. Yuxusuz olduğunuz zaman, oyaqkən öyrəndiklərinizi daha az xatırlayırsınız. Yuxu həm də beyninizin emosiyaları tənzimləməsinə kömək edir. Buna görə də pis bir gecə yuxusundan sonra özünüzü narahat hiss edə bilərsiniz.
- Yatdığınız zaman bədəniniz əzələlər də daxil olmaqla zədələnmiş toxumaları bərpa etməyə kömək edən zülal və hormonları ifraz edərək özünü bərpa etmək üçün çox çalışır. Əgər yuxunuz azdırsa, vücudunuz daha yavaş bərpa olunacaq.
Həkim bildirib ki, yuxu immunitet sisteminə gücləndirici təsir göstərir. Bədəninizin xəstəliklərlə mübarizə qabiliyyətini artırmağa kömək edir. Yuxu zamanı bədən sitokinlər istehsal edir, bu zülallar immunitet hüceyrələrini bədəndəki iltihabla mübarizə aparmağa yönəldir.
Bütün bu səbəblərə görə gecələr qaranlıqda ən az 7, maksimum 9 saat nizamlı yatmaq sağlamlığımız üçün vacibdir. Gecələr yatmaqda çətinlik çəkirsinizsə, mütləq həll yolunu axtarmalısınız. Yatmaq üçün sərin, sakit və qaranlıq bir mühitə üstünlük verməlisiniz. Yatmazdan əvvəl parlaq işıqlardan, ekranlardan uzaq durmalısınız.
Ayşən
