"Təhsilli Gələcək” təhsilin inkişafı ictimai birliyi tərəfindən icra olunan, Azərbaycan Respublikasının Qeyri-Hökümət Təşkilatlarına Dövlət Dəstəyi Agentliyinin maliyyələşdirdiyi "Gələcək Gənclərlə Gələcək” - 3G İntellektual İstedadın kəşf olunması - layihəsinin Göygöl, Şəmkir və Gədəbəy rayonlarında yekun-təltif olunma tədbirləri həyata keçirilib.
Layihənin icra olunduğu müddətdə, Göygöl, Şəmkir və Gədəbəy rayonlarında 12-18 yaşlı uşaqlar arasında istedadların üzə çıxarılması məqsədilə aparılmış sorğular nəticəsində seçilmiş istedadlı şagirdlərə və onlarla işləyəcək pedoqoji heyətə konstruktiv təlimlər keçirilmişdir. Layihənin icra planına uyğun olaraq bu müddət ərzində seçilmiş uşaqlar haqqında məlumatları əks etdirən antologiya və istedadlı uşaqlara yanaşma, bu istiqamətdə metodologiya və istedadın inkişafının davamlılığı kimi mövzuları əks etdirən metodiki vəsait çap olunub.
Layihənin yekun-təltif olunma tədbirində, nəşr materialları layihə iştirakçılarına paylanılıb, təlimlərdə iştirak etmiş pedoqoji heyət və istedadlı şagirdlər diplom və sertifikatlarla təltif edilib. Tədbirdə yekun olaraq söz alan iştirakçılar, layihənin əhəmiyyətliliyini və önəmini yüksək qiymətləndirib. Həmçinin, iştirakçılar layihənin davamlılığının təmin olunmasının vacibliyini, bu məqsədlə davamlı mentor xidmətlərinin, davamlı pedoqoji-sosial dəstəyin təmin edilməsinin vacibliyini vurğulayıblar.
