Hazırda deyə bilərəm ki, Azərbaycanda gənclər siyasəti ən yükəsək səviyyədə həyata keçirilir.Buna misal olaraq Azərbaycan Respublikası Prezidenti tərəfindən yaradılmış “Azərbaycan Respublikası Prezidenti yanında Gənclər Fondu” ölkənin bütün gənclərini və təşkilatlarını əhatə edir.Bu fond vasitəsilə hər il gənclərin məşğulluğu sahəsində yüzlərlə layihələr maliyyəşdirilir və həyata keçirilir. Qeyd etmək istəyirəm ki, “Gələcəyə Körpü” Gənclər İctimai Birliyi Respublikamızın ən fəal gənclər təşkilatlarından biridir və əsas prioritet məsələlərindən biri gənclərin məşğulluğunu təmin etməkdən ibarətdir.Məhz buna əsasən vurğulamaq istərdim ki, Birliyin missiyası – Azərbaycanda fəal gənclərin iştirakını təmin etməklə, sağlam vətəndaş cəmiyyəti təsis etmək və gənclərin beynəlxalq səviyyədə ölkəmizi təmsil etməsinə yardım etməkdir.
Qeyd olunan sahələr üzrə “Gələcəyə Körpü” GİB Respublikada ən böyük proqramı hələ 2009-cü ildə həyata keçirmişdir. Avropa Komissiyasının və Azərbaycan Respublikası Gənclər və İdman Nazirliyinin maliyyə dəstəyi ilə “Gənclərin Məşğulluq və Resurs Mərkəzi” adlı proqramhəyata keçirmişdi. Proqramın əsas məqsədi gənclər üçün yeni iş yerləri tapmaq və praktiki iş yerləri ilə təmin etməkdən ibarətdi. Məşğulluq mərkəzi əsasən Gəncə şəhərində 3 istiqamətdə fəaliyyət göstərib: 1. Gənclərə 3 – 6 aylıq təcrübə proqramları təşkil etməklə bərabər onlara iş tapmaqda yardım etmək; 2. Peşə-sənət kursları təşkil etmək; 3. Gənclərin sahibkarlıq bacarıqlarını inkişaf etdirmək üçün davamlı təlim və məsləhətlər keçirmək olub.
Hazırda isə tərəfimizdən həyata keçirilən tədbirlər əsasən gənclərin məşğulluğunu artırmaq siyasətinə yönəlmişdir. “Gələcəyə Körpü” Gənclər İctimai Birliyi gənclərin cəmiyyətdə iştirak fəaliyyətini artırmaq, əmək qabiliyyətini itirmiş gənclərə özlərini inkişaf etdirməyə dəstək olmaq və işlə təmin olunmaları üçün ehtiyac duyulan bacarıqların öyrədilməsinə yardım etmək, gənclərin intelektual və peşəkar bacarıqlarını inkişaf etdirmək, gəncləri könüllü işlərə cəlb etmək, gənclər hərəkatı vasitəsilə, vətəndaş cəmiyyəti qurmaq, onların ətraf mühit və turizm fəaliyyətində iştirakını təmin etmək və azərbaycanlı gənclər ilə dünya gəncləri arasında əməkdaşlığın yaradılmasında səy göstərir. Bu vəzifələri yerinə yetirmək üçün Birlik müntəzəm olaraq, yerli, milli və beynəlxalq səviyyəli seminarlar, konfranslar, görüşlər, təlim kursları/xidmətləri, iş düşərgələri həyata keçirir.Hal – hazırda təşkilatın nəzdində 10 – a yaxın müxtəlif əhəmiyyətli klub və 5 dil kursu pulsuz olaraq gənclərin ixtiyarına verilib.Biz hər zaman gənclərin ideyalarını dəstəkləyir və onların reallaşmasında maksimum yardımcı olmağa çalşırıq.Birlik müntəzəm olaraq Gəncə şəhərində Ali və orta ixtisas məktəblərində gənclərlə müxtəlif görüşlər, konfranslar və düşərgələr həyata keçirir ki,bu da öz növbəsində onların asudə vaxtının səmərəli təşkil olunmasına yardımcı olur həmçinin bilavasitə məşğulluğun artırılmasında ən yaxın vasitəçirolunu oynayır.
“Gələcəyə Körpü” Gənclər İctimai Birliyi Gənclərin məşğulluğu sahəsində yaratdığı Cvcenter.az saytı həm iş axtaranlar həm də,işçi axtarlanlar üçün böyük şərait yaradır. Buna qədər saytımız 500 - ə yaxın gənci müxtəlif peşə sahibinə çevirmişdir.Həmçinin birliyin nəzdində Avropa Könüllülük Xidməti (EVS) proqramı və Beynəlxalq düşərgələr proqramı fəaliyyət göstərir. Avropa Könüllülük Proqramınəticəsində avropalı gənclər Azərbaycanda qısa müddətli və uzun müddətli könüllü olaraq çalışa, həm də yerli gənclər proqramı(EVS) əhatə etdən ölkələrdə könüllü olaraq müxtəlif layihələrdə fəaliyyət göstərə bilər.Beynəlxalq düşərgələr proqramımız isə dünyanın istənilən ölkəsinə yerli gəncləri 2,3 və 4 həftəlik müxtəlif beynəlxalq iş düşəgələrinə göndərə bilir ki,bu da gənclərimizin əmək qabiliyyətini daha da artırır və məşğulluğa cəlb edir.
Hakim Ələsgərov
“Gələcəyə Körpü” Gənclər İctimai Birliyinin baş katibi
