Gənclər üçün Təhsil Mərkəzi və FAİREX Hava və Ekstrimal İdman növləri Fedarasiyasının birgə təşəbbüsü ilə 13-16 avqust tarixlərində Gəncə ,Samux, Göygöl rayon gənclərinin iştirakı ilə “Gənc Dağçılar” məktəbi həyata keçirilmişdir. Gənclərin iştirakı ilə üç gün davam edən tədbirdə 20 gənc çadırlarda extrim şəraitində yaşamış və peşəkar alpinistlər tərəfindən dərslər almışlar.
Tədbiri giriş sözü ilə açan Mərkəzin icraçı direktoru Fəxrəddin Həsənzadə bildirmişdir ki : Bu gün gənclərimizin düşərgələrdə extrim şəraitində çətinlik çəkmədən qalmaları gənclərin iradə və gücünün təcəssümüdür.”Gənc Dağçılar “ məktəbinin iştirakçılarının qarşısında həqiqətən böyük hədəf vardır ,çünki indiki halda bu qayaliqları fəth edirikcə yaxın tarixdə bizi Kəlbəcər dağlarını fəth etməyimiz ali məqsədimizə çevrilməlidir.
Qetd etmək istərdik ki, “Gənc Dağçılar” məktəbi Kəpəz Dağçılıq Klubunun , Gəncə Şəhər Gənclər və İdman Baş İdarəsi, Göygöl rayon Gənclər və İdman İdarəsi, Samux rayon Heydər Əliyev Mərkəzinin texniki dəstəyi ilə həyata keçirilmişdir.
