“Azxeber.com” portalının baş direktoru Əfsələddin Ağalarov Türkiyənin “Marmara” universitetinin magistratura pilləsinə daxil olub.
Gənc jurnalist, “Azxeber.com” portalının baş direktoru Əfsələddin Ağalarov Türkiyə dövlətinin keçirdiyi təhsil proqramını qazanaraq ödənişsiz əsaslarla “Marmara” universitetinin “İletişim” (jurnalistika) fakültəsinin magistratura pilləsinə daxil olub.
Dünyanın ən yaxşı 2000 universiteti siyahısında 790-cı yerdə qərarlaşan “Marmara” universiteti, eyni zamanda Türkiyənin jurnalistika ixtisası üzrə ən yaxşı təhsil verən universiteti kimi də tanınır.
Xatırladaq ki, gənc jurnalist bakalvr təhsilini Bakı Dövlət Universitetinin (BDU) “Jurnalistika” fakültəsində alıb. O, 2010-cu ildən etibarən “Azxeber.com” portalının təsisçilərindən biridir və hazırda həmin informasiya portalında baş direktor vəzifəsini icra edir.
