Gəncə şəhərində qətl törədilib. Şəhər Prokurorluğundan Milli.az-a verilən məlumata görə, 25 yaşlı Gəncə sakini Elmir Əhmədov küçənin ortasında qətlə yetirilib. O, qan içərisində sentyabrın 2-nə keçən gecə Səməd Vurğun küçəsində tapılıb. Xəstəxanaya çatdırılan E.Əhmədov orada keçinib. Qətlin 19 yaşlı Əbülfət Cəfərov tərəfindən törədildiyi məlum olub. Qandallanan Ə.Cəfərov qətli törətdiyini etiraf edib.
