Gəncədə "İnklüziv cəmiyyət quruculuğunda din xadimlərinin rolu" mövzusunda konfrans keçirilib.
AZXEBER.COM bildirir ki, konfransda Gəncənin deputatı Naqif Həmzəyev maraqlı təkliflə çıxış edib.
Millət vəkili söyləyib ki, Gəncə və ətraf regionlar tarixən Azərbaycanın mühüm mədəni və dini mərkəzlərindən biri olub, burada əsrlər boyu müxtəlif dinlərin və mənəvi ənənələrin harmonik birgəyaşayışı formalaşıb:
"Müasir dövrdə bu zəngin irsimizi qoruyub inkişaf etdirmək, eyni zamanda dövrün tələblərinə uyğunlaşdırmaq inklüziv cəmiyyət quruculuğunun əsas şərtlərindəndir.
Bu baxımdan təklif edirəm ki, Gəncədəki Ozan məscidinin fəaliyyəti də bərpa edilsin. Məscidin fəaliyyətə başlaması bütün gəncəlilərin istəyidir. Bunun üçün də məsələni gündəmə gətirdim. Dini Qurumlarla İş üzrə Dövlət Komitəsinin sədri Ramin Məmmədovla da məsələ ilə bağlı söhbət apardım, ümid edirik ki, gəncəlilərin bu arzusu reallaşar".
