Gənclər üçün Təhsil Mərkəzinin Bakı, Sumqayıt, Qərb (Gəncə), Mingəçevir, Aran (Şirvan), Qarabağ (Ağcabədi) və Şimal (Quba) regional ofislərinə üzv olan gənclər son günlər cəbhə xəttində erməni separatçıları tərəfindən atəşkəsin vaxtaşırı pozularaq mülki əhalinin həyatı üçün yaranan təhlükənin beynəlxalq media qurumları tərəfindən işıqlandırılmamasını tənqid ediblər.

Mərkəzdən AZXEBER.COM-a verilən xəbərə görə, “Reuters”, “Business insider”, “Daily mail”, “İndependent”, “Telegraph”, “BBC”, “CNN”, “New times”, “Guardian”, “Huffington post” və bu kimi digər nüfuzlu media orqanlarına göndərilən bəyanatda Azərbaycanın çoxəsrli tolerantlıq və sülhsevər qonşuluq siyasəti, qərbi Azərbaycanda çar Rusiyası tərəfindən həyata keçirilən etnik köçürmənin tarixi xronologiyası, Ermənistanın işğalçı mövqeyi, onlar tərəfindən beynəlxalq hüquq prinsiplərinin kəskin pozulması və s. məsələlər göstərilib.

Region gəncləri media orqanlarını obyektiv olmağa səsləyib, separatçı rejimin özbaşınalıqlarını dünya ictimaiyyətinə çatdırmaq üçün onları vicdanlı olaraq bu münaqişədə haqsız tərəfi ifşa etməyə çağırıblar.

Bəyanat ingilis dilində həmin qurumların rəsmi elektron poçtlarına göndərilib.