Azərbaycan Respublikasının Prezidenti yanında Gənclər Fondunun maliyyə yardımı, "Simurq" Azərbaycan Mədəniyyət Assosiasiyasının, Kulturologiya Mərkəzinin təşkilati dəstəyi ilə həyata keçirilən "İnkulturasiya və akkulturasiya" beynəlxalq proqramları üzrə Gənclər üçün WORKSHOP layihəsi çərçivəsində keçiriləcək təlimlərdə gənclərin iştirakı üçün fürsət yaranıb. (Qeyd: İnkulturasiya-insanlar tərəfindən mədəni nailiyyətlərin mənimsənilməsi və akkulturasiya-mədəniyyətlərarası dialoq zəminində mədəni tərəqqinin mübadilə prosesidir). WORKSHOP layihəsinin məqsədi insan kapitalının inkişaf etdirilməsi və biliklərə əsaslanan cəmiyyətin formalaşması üçün gənclərin bilik menecerləri kimi formalaşmasına, onların universal kulturoloji biliklərə yiyələnmələrinə dəstək olmaqdır. Workshop müddətində “Mədəni sektor inzibatçılığı”na dair gənclər üçün təlimlər keçiriləcək. Təlimdə “İntelektual mədəniyyət”, “İşgüzar münasibətlər mədəniyyəti”, “Liderlik mədəniyyəti”, “Ailə mədəniyyəti”, “Sülh mədəniyyəti”, “Etik mədəniyyət” mövzularında sessiyalar olacaq. Hər bir iştirakçıya “Simurq” Azərbaycan Mədəniyyət Assosiasiyasının “Mədəni siyasət üzrə ekspert” kateqoriyası üzrə (20-40 bal) sertifikat veriləcək.
Təlim 2 gün ərzində "Atropat Hotel"də keçiriləcək. Təlimdə iştirak etmək üçün CV-lərinizi [email protected]/* */ ünvanına göndərin.Qeydiyyat üçün əlaqə nömrələri: 0503833294; 0559347416
