Azərbaycan Respublikası Gənclər Fondunun maliyyə dəstəyi ilə 10-cu qrand müsabiqəsinin qalibi olan Günel Hüseynlinin rəhbərlik etdiyi "Gənclərin İKT biliklərinin artırılmasına dəstək” layihəsinin açılış tədbiri baş tutub.
Bakı şəhəri, Step İT akademiyasında baş tutan layihənin açılış tədbirində təlimçilərə İKT sahəsində geniş məlumatlar verilib.
Tədbirdə açılış sözü ilə çıxış edən layihə rəhbəri Günel Hüseynli layihənin məqsədi ilə təlim iştirakçılarını tanış edib. O, müasir dövrdə gənclərin informasiya kommunikasiya və texnologiyalarına olan marağı nəzərə alaraq bu sahəyə marağının artırılması, qarşıya çıxan problemlərin aradan qaldırılmasında gənclərin
rolunun artırılmasının vacibliyini vurğulayıb.
26 Yanvar tarixində baş tutan 4 günlük təlimin ilk qonağı Micrasoft Azərbaycan şirkətinin Təhsildə Əməkdaşlıq Meneceri Emin Axundov olub.
Emin Axundov təlim iştirakçılarına İKT sahəsində gənclərin fəaliyyətindən və rolundan, bu sahədə gənclərə olan tələbatdan bəhs edib. İKT dedikdə ancaq proqramlaşdırma başa düşülür deyən təlimçi, bunun belə olmadığını vurğulayıb. İKT dedikdə proqramlaşdırma ilə yanaşı, sistem inzibatçılığı, şəbəkə inzibatçılığı və başqa sahələr başa düşülür. Start up layihələrdən bəs edən təlimçi, gəncləri bu sahədə maraqlanmaq, ölkə və beynəlxalq arenada tanınmaq üçün yaxşı vasitə olduğunu qeyd edib. O, həmçinin gənclərə bununla müəyyən qazanc əldə edərək, idealarını gerçəkləşdirə biləcəklərindən də bəhs edib.
27 Yanvar tarixində Step İT akademiyasında baş tutan ikinci təlimin qonağı isə Palmali şirkətlər qrupunun Bakı ofisinin İT departament rəhbəri Tural Hüseynli olub.
Tural Hüseynli isə təlim iştirakçılarına İT sahəsini seçmək səbəbi və gənclərin bu sahədə iş imkanları haqda geniş məlumat verib. O, gənclərə Sistem İnzibatçılığı sahəsində olan yenilik və üstünlüklərdən bəhs edib.
Təlim iştirakçıların suallarını cavablandırmaqla yekunlaşıb.
