Google ağdərili və asiyalı işçilərinə digər etnik mənsubiyyətlərdən olan işçilərdən daha yaxşı şərait yaratdığı iddiası ilə 28 milyon dollar ödəməli olub.
AZXEBER.COM xarici mətbuata istinadən xəbər verir ki, bu barədə BBC məlumat yayıb.
Belə ki, şirkəti ağdərili və asiyalı işçilərə üstünlük verməkdə, başqa mənşəli işçilərə aşağı maaş verməkdə və karyera imkanları təmin etməməkdə günahlandıran keçmiş Google işçisi Ana Cantunun 2021-ci ildə açdığı məhkəmə iddiasında razılaşma əldə olunub.
Meksika əsilli Cantu, Google-da yeddi ildən çox çalışdığını, lakin ağ və asiyalı həmyaşıdları yüksəldildiyi halda, heç vaxt yüksəlmədiyini söyləyib.
Google 15 fevral 2018-ci il və 31 dekabr 2024-cü il tarixləri arasında işlədiyi 6632 işçinin adından açılan məhkəmə iddiasında 28 milyon dollar ödəməyə razılaşıb.
Kaliforniya Ali Məhkəməsinin hakimi Çarlz Adams tərəflər arasında barışığa ilkin razılıq verib.
Google, işçilərinə qarşı ayrı-seçkilik etdiyinə dair iddiaları rədd etdiyini açıqlayıb. Google sözçüsü deyib:
"Biz razılığa gəldik. Lakin biz hər kəsə fərqli münasibət göstərdiyimiz, işçilərə ədalətli münasibət göstərmədiyimiz, konpensasiyaların ödənilməsinə sadiq qalmamağımızla bağlı iddialarla razılaşmırıq".
Oksana
