Bu gün Bakı Dövlət Universitetində universitetin Ekologiya və Torpaqşünaslıq fakültəsi bioekologiya kafedrasının magistr dərəcəsi üçün tədris planının hazırlanmasına aid iki günlük seminar öz işinə başlayıb.
BDU-nun Mətbuat və İnformasiya şöbəsindən AZXEBER.COM-a verilən məlumata görə, seminarı Tədrisin təşkili və təlim texnologiyaları üzrə BDU-nun prorektoru İradə Əliyeva açaraq qonaqlara universitet barədə məlumat verib.
Tədbirin işində Almaniyanın Greisvald universitetinin Landşaft ekologiyası fakültəsinin və Mixael Sukkov Fondunun yaradıcısı, professor Mixael Sukkovun başçılığı ilə Greisvald universitetinin müəllimlərindən ibarət nümayəndə heyəti, o cümlədən doktor Ktustian Gönnerin başçılıq etdiyi GİZ - Almaniya Beynəlxalq Əməkdaşlıq Cəmiyyətinin nümayəndə heyəti də iştirak edir.
