Sabiq deputat Gülər Əhmədova həbs edilməsilə bağlı ölkə gündəmini zəbt etmiş xəbərlərdən sonra özünün Facebook sosial şəbəkəsindəki səhifəsini bağlayıb.
Modern.az-ın məlumatına görə, onun Facebook-da dünənədək açıq olan profili hazırda mövcud deyil. Səhifə ya tamamilə silinib, ya da G.Əhmədova özünün dostluğunda olan bütün profilləri bloka salıb.
Qeyd edək ki, son vaxtlar Gülər Əhmədova ilə əlaqə yaratmaqda çətinlik çəkən jurnalistlər onun baş verən hadisələrə reaksiyasını məhz sabiq deputatın Facebook səhifəsindəki statuslarından öyrənirdilər.
Yeri gəlmişkən, hazırda Facebook-da G.Əhmədova ilə bağlı bir səhifə mövcuddur, amma bu onun özünün də əvvəllər bəyan etdiyi kimi, kimlərsə tərəfindən yaradılan saxta səhifədir.
