Abdullah Gülün vəzifə müddəti ilə bağlı mübahisələrə son nöqtə qoyulub.
Prezidentin vəzifə müddətinin 7 il olduğu maddəyə əlavə dəyişikliklər edilib. AZXEBER.COM-un Türkiyə mətbuatına istinadən verdiyi xəbərə görə, Türkiyə Böyük Millət Məclisi Konstitusiya Alt komissiyası “Prezident seçimi layihəsi" ilə bağlı bəzi dəyişiklikləri qəbul edib. Gülün səlahiyyət müddəti 7 il olaraq müəyyən edilib. Ədalət və İnkişaf Partiyasından olan deputat Mustafa Şentop Abdullah Gülün daha bir dəfə prezidentliyə namizəd ola bilməyəcəyini deyib. Layihənin bu gün üst komissiyada müzakirə edilməsi planlaşdırılır.
