Gürcüstanda soydaşlarımızın yığcam yaşadıqları Marneuli şəhərində Novruz geniş miqyaslı bayram şənliyi ilə qeyd olunub.
Azərbaycanlıların bayramını təbrik etmək üçün Marneuliyə gələn Gürcüstan Prezidenti Giorgi Marqvelaşvili və Baş nazir İrakli Qaribaşvili şənliklərdə iştirak ediblər. Bayram tonqalını alovlandıran dövlət başçıları Novruz adət- ənənələri ilə tanış olublar.
Gürcüstanda yaşayan azərbaycanlıları, həmçinin digər hökumət nümayəndələri də təbrik ediblər.
Sonda Azərbaycandan gəlmiş əməkdar artist Eyyub Yaqubovun və Gürcüstanın incəsənət adamlarının iştirakı ilə maraqlı konsert proqramı təqdim edilib.
Bayram şənliyindən sonra Marneuli Gənclər Mərkəzinə gələn rəsmi qonaqlar azərbaycanlıların bayram süfrəsi arxasına əyləşərək Novruz təamlarından dadıblar. (xəzərxəbər)
