“Göyçay İnkişaf Mərkəzi” Gənclər İctimai Birliyi “Nar bağlarının effektiv idarəedilməsi və gənclərin bu istiqamətdə bacarıqlarının artırılması” adlı layihənin icrasına start verib.
AZXEBER.COM-un məlumatına görə, “Göyçay İnkişaf Mərkəzi” Gənclər İctimai Birliyi Almaniya Beynəlxalq Əməkdaşlıq Cəmiyyətinin (GİZ) dəstəyi ilə “Nar bağlarının effektiv idarəedilməsi və gənclərin bu istiqamətdə bacarıqlarının artırılması” adlı layihənin icrasına başlayıb. Layihənin məqsədi Nar təsərrüfatı istehsalçıları üçün səciyyəvi olan ehtiyacları müəyyənləşdirmək və nar bağlarının aqronomik qaydada düzgün idarəedilməsi üçn 30 nəfər gəncin bilik və bacarıqlarını artırmaqdır.
Layihə çərçivəsində nar bağlarının effektiv idarəedilməsinə kömək məqsədi ilə xüsusi modul hazırlanacaq və regionda bu sahədə kadr inkişafına dəstək olmaq üçün maraqlı tərəflərlə əməkdaşlıq ediləcək. Xüsusilə layihənin icrası zamanı Göyçay Regional Kənd təsərrüfatı idarəsi, Göyçay peşə liseyi və Göyçay Regional Peşə Tədris Mərkəzi ilə yaxından əməkdaşlıq ediləcəkdir.
Təşkil olunacaq təlimlərin sonunda istehsal müəssisələrinə və nar bağlarına öyrənmə səfərləri təşkil edilməsi nəzərdə tutulur.
