Göyçay rayonunun Mallı Şıxlı kənd tam orta məktəbində 60-a yaxın şagird üçün uşaqların asudə vaxtının səmərəli keçirilməsinə, kiçik motorik bacarıqlarının inkişaf etdirilməsinə, estetik zövqünün formalaşmasına, yaradıcılıq qabilliyyətlərinin inkişafı üçün təlimlər keçirilib.
AZXEBER.COM xəbər verir ki, Azerobotun təşkil etdiyi robota-texnika masterklasında uşaqlar müxtəlif robotlar düzəldərək onları proqramlaşdırmağı, fiqurların boyanması masterklasında heykəlləri rənglədilər, əl işləri masterklasında uşaqlar muncuqlardan gündəlik aksesuarlar düzəltməyi öyrəniblər.
Layihə 24 dekabr prezident İlham Əliyevin doğum gününə təsadüf etdiyindən 272 saylı tam orta məktəbin tarix müəlliməsi Aysel Əhmədova 44 günlük Zəfər tariximizin memarı İlham Əliyevin siyasi fəaliyyəti dövlətimizə göstərdiyi qayğı ilə bağlı uşaqlara motivasiya edici söhbətlər apararaq tariximizə aid maraqlı mövzularla bağlı seminar təşkil edib.
Gün sonunda uşaqlar sertifikat və hədiyyələrlə təltif olunublar.
Qeyd edək ki, layihə pedaqoji fəaliyyətlə məşqul olan Jalə Qurbanlı və BXA-nın müəllimi Aygül Qurbanova tərəfindən təşkil olunub.
