Mətbuat Şurasının Sosial Media İstifadəçiləri ilə Ələqələr Komissiyasının təşkilatçılığı ilə "Süni intellekt dövründə media monitorinqi və analitika: Mediatrends imkanları” mövzusunda tədbir keçirilib.
AZXEBER.COM xəbər verir ki, komissiya sədri Hacıbəy Heydərli bildirib ki, Mətbuat Şurasının Sosial Media ilə Əlaqlər Komissiyası 2022-ci ildə yaradılıb və bu illər ərzində bir çox tədbirlər həyata keçirib:
"Mətbuat Şurasının Sosial Medialar Komissiyası 2022-ci ildə yaradılıb. Komissiya fəaliyyət göstərdiyi müddətdə sosial şəbəkələrdə dezinformasiya və "fake news”la mübarizə, eləcə də sosial şəbəkə istifadəçilərinin maarifləndirilməsi istiqamətində aktiv iş aparıb. Son dövrlərdə süni intellekt və media ilə bağlı məsələlər də komissiyanın diqqətindədir. Komissiyanın fəaliyyətində xüsusilə "deepfake” texnologiyaları, sosial şəbəkələrdə saxta məlumatların yayılması və onların aşkarlanması, həmçinin dezinformasiyaya qarşı mübarizə əsas istiqamətlərdən biridir”.
"Bu gün keçirilən tədbirdə isə süni intellektin mediaya təsiri, media monitorinqində süni intellektin rolu, eləcə də süni intellektin jurnalisti əvəz edib-etməyəcəyi ilə bağlı məsələlər müzakirə olunub. Süni intellekt medianın gələcəyini dəyişdirən, məlumatın hazırlanması və yayılması prosesini sürətləndirən mühüm texnologiyadır. Eyni zamanda, Azərbaycanda media monitorinqi sahəsində həyata keçirilən "Mediatrends” layihəsi barədə media subyektlərinin rəhbərlərinə məlumat verilib”, - deyə Hacıbəy Heydərli vurğulayıb.
Şahanə Ziyad
