Yeni Azərbaycan Partiyası Heydər Əliyevin vəfatının 10-cu ildönümü ilə əlaqədar anım tədbiri təşkil edib. Tədbirdən əvvəl partiyanın rəhbər üzvləri Fəxri xiyabana gedərək Heydər Əliyevin məzarını ziyarət edib, əklil qoyublar.AZXEBER.COM-un məlumatına görə, anım tədbirində çıxış edən baş nazirin müavini, Yeni Azərbaycan Partiyasının sədr müavini Əli Əhmədov bildirib ki, ümummilli lider Heydər Əliyev unudulmur və unudulmayacaq: “Azərbaycan xalqının Heydər Əliyev kimi lider yetişdirməsi fenamenal hadisədir. Heç bir xalq milli qürur mənbəyinə çevrilmiş övladını unutmaz. Kiçik xalqlar və dövlətlərin böyük lider yetişdirməsi özü tarixi hadisədir”.
