Hilari Klinton prezident olsa, Bil Klintonu necə çağıracaqlar?

ABŞ-da prezident seçkilərinə sayılı günlər qalır.

 

AZXEBER.COM Qərb mətbuatına istinadən xəbər verir ki, Demokrat Partiyanın namizədi Hillari Klinton seçildiyi halda, həyat yoldaşı keçmiş Prezident Bill Klintona necə müraciət ediləcəyi mübahisəli mövzuya çevrilib.

 

Hillari Klinton, Respublikaçı Partiyanın namizədi Donald Trumpa qarşı qalib gələrsə ABŞ-ın ilk qadın prezidenti olacaq. Hillari Klintonun prezident seçildiyi halda, ABŞ-ın 42-ci Prezidenti Bill Klinton, bu dəfə "prezidentin xanımı olaraq" bir daha Ağ Evə addım atacaq. Bu vəziyyətdə isə Bill Klintonun hansı titulu alacağı maraq mövzusuna çevrilib.

 

ABŞ-ın indiyə qədərki bütün prezidentləri kişi olduğu üçün sədrlərin xanımlarına "Firs Lady" şəklində xitab edilirdi. İlk dəfə bir qadının prezident seçilmək ehtimalı ortaya çıxdığı halda, daha əvvəl də bir nümunə olmadığı üçün Bill Klintona necə bir ad veriləcəyi də danışılan mövzular arasında yer alır.

 

Sözügedən halda Ağ Ev əməkdaşlarının Bill Klintona necə xitab edəcəkləri, Hillari Klintonun göndərəcəyi dəvətnamələrdə, dövlət yeməklərində həyat yoldaşının adının necə yazılacağı, medianın Bill Klintona necə istinad edəcəyi hazırda qeyri-müəyyənliyini qoruyur.

 

Keçirilən sorğu nəticəsində ABŞ əhalisi Bill Klintona "keçmiş prezident Bill Klinton" deməyi üstün tutur.