Hollywood ulduzu Aziya Arcanti Bakıya gəlib.
AZXEBER.COM-un ” Mədəniyyət və Turizm Nazirliyinin rəsmi saytına istinadən xəbər verir ki, səfərin məqsədi "Bakı, mən səni sevirəm!" kinolayihəsinin çəkilişlərində iştirak etməkdir. Llayihənin mətbuat katibi Şahnaz Abdullayeva artıq Rusiya, Belarus, Litva, Portuqaliya, Böyük Britaniya kimi ölkələrin aktyorları, aktrisaları və rejissorlarının çəkilişlərdə iştirak etdiyini bildirib. Yaxın günlərdə layihənin çəkilişlərində iştirak etmək üçün İtaliyadan və qardaş Türkiyədən də ulduzların Bakıya gəlişi gözlənilir. Qeyd edək ki, "Bakı, mən səni sevirəm!" kinolayihəsinin rəhbəri Heydər Əliyev Fondunun vitse-prezidenti Leyla Əliyeva, prodüserləri Yeqor Konçalovski və Nadir Maçanovdur. Kinolayihə 10 filmdən ibarətdir. Hər filmin xronometrajı 9 dəqiqədir. Artıq "Bakı, mən səni sevirəm!" kinolayihəsinin 8 filminin çəkilişləri yekunlaşıb.
