Bu sözləri 12/01/2016 tarixində AZXEBER.COM informasiya portalında “Xanım icra başçısı öz maşınının nömrəsini Zakir Fərəcovdan ala bilmir –ŞOK İDDİA” başlıqlı yazı ilə bağlı səslənən iddialara cavab verən Abşeron rayon icra hakimiyyətinin hüquq şöbəsinin müdiri Rəşad Qubadov söyləyib.
İcra hakimiyyətinin şöbə müdiri portalımızda dərc edilən xəbərdə hazırda icra başçısı olan İradə Gülməmmədovaya məxsus “001” seriyalı dövlət nömrə nişanlı xidməti avomobilin keçmiş icra başçısı, hazırda Sumqayıt şəhərinin icra başçısı olan Zakir Fərəcovda olması ilə bağlı məlumatın həqiqəti əks etdirmədiyini qeyd edib:
“Yayılan informasiya həqiqəti əks etdirmir. Və bu məlumat tamamilə əsassız, dəqiqləşdirilməmiş şəkildə hazırlanıb”.
