İlqar Mikayıloğlunun şəhid polkovnik Fizuli Cavadovla yazışması - FOTO

SOSİAL
15:38 01.12.2021
2710
Aparıcı İlqar Mikayıloğlu sosial şəbəkədə yeni paylaşım edib.

AZXEBER.COM xəbər verir ki, o, feysbuk hesabında ötən gün Dövlət Sərhəd Xidmətinin "Qaraheybət” aviasiya poliqonunda təlim uçuşları zamanı həlak olan 14 şəhiddən biri polkovnik Fizuli Cavadovla olan yazışmalarını paylaşıb. Mikayıloğlu mərhumla votsap mesajlarının fotosunu yayımlayaraq onunla bağlı xatirələrindən yazıb:

"Bu gün daha bir döyüş dostumu itirdim. Pilot, polkovnik Fizuli Cavadov, şəhid Fizuli. Neçə uçuşda bir yerdə olmuşuq. Vertolyotçular zarafatla mənə "Fizulinin şturmanı" deyirdi.

Müharibədə onun "bort streloku" olacaqdım, sözləşmişdik, amma o, qəza nəticəsində şəhid oldu. Allah qəzada şəhid olan hərbçilərimizə rəhmət etsin. Allahdan yaralılara şəfa diləyirəm".

Qeyd edək ki, hərbi helikopterin qəzaya uğraması nəticəsində 14 hərbi qulluqçu həlak olub, 2 nəfər isə xəsarət alıb. Hazırda onlar II Şəhidlər Xiyabanında dəfn olunur.
 

 

 


OXŞAR XƏBƏRLƏR