Bu gün saat 14:10 radələrindən etibarən zəhərlənmə şübhəsi ilə 22 nəfər (4-ü uşaq olmaqla 8-i kişi, 1-i uşaq olmaqla 14-ü qadın cinsli) İmişli Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
Bu barədə AZXEBER.COM-a TƏBİB-dən bildirilib.
Onlara qeyri-infeksion enterit və kolit diaqnozu təyin olunub və hər birinə zəruri tibbi yardım göstərilib.
15 nəfərin müalicəsi Təcili tibbi yardım şöbəsində, 5 azyaşlının müalicəsi Uşaq şöbəsində, 1 nəfərin (kişi cinsli) müalicəsi Poliklinika şöbəsində, digər 1 nəfərin müalicəsi isə (qadın cinsli) Yoluxucu xəstəliklər şöbəsində davam etdirilir.
Pasiyentlərin hər birinin vəziyyəti stabil qiymətləndirilir.
