Çin doğum nisbətlərinin artırılması məqsədiylə üç yaşından kiçik hər bir uşaq üçün illik 3600 yuan (təxminən 500 ABŞ dolları) məbləğində ödəniş təmin edəcək.
AZXEBER.COM xarici KİV-ə istinadla xəbər verir ki, Çin hakimiyyəti bu yeni addımı təxminən on il əvvəl hakim Kommunist Partiyasının mübahisəli uşaq siyasətini ləğv etməsinə baxmayaraq, ölkədə doğum nisbəti azalmağa davam etdikdən sonra atıb.
Dünən elan edilmiş ailə müavinətlərinin təxminən 20 milyon ailəyə uşaq böyütmək xərcləri ilə kömək edəcəyi gözlənilir. Proqram valideynlərə uşaq başına 10800 yuan məbləğində ümumi ödəniş təmin edəcək.
Mart ayında Çinin şimalındakı Hohhot şəhəri ən azı üç uşağı olan cütlüklərə uşaq başına 100.000 yuana qədər dəstək verməyə başlayıb. Pekinin şimal-şərqində yerləşən Şenyan şəhəri üç yaşından kiçik üçüncü uşağı olan yerli ailələrə ayda 500 yuan verir.
Çində yerləşən YuWa Əhali Tədqiqat İnstitutunun araşdırmasına görə, ölkə uşaq sahibi olmaq üçün dünyanın ən bahalı yerləri sırasındadır.
Araşdırma nəticəsində məlum olub ki, Çində bir uşağın 17 yaşına qədər böyüdülməsinin orta dəyəri 75 min 700 dollardır.
