SalamNews-un məlumatına görə, bunu Azərbaycan Xalq Cəhbəsi Partiyasının (AXCP) sədri Əli Kərimli eks prezident Əbülfəz Elçibəyi onun zəhərlədiyi ilə bağlı iddianı və cinayət işinin başlanması məsələsinə münasibət bildirərkən deyib.
AXCP sədri söyləyib ki, prokurorluqda Ə.Elçibəyə qarşı zəhərlənmə iddiası ilə cinayət işinin başladılması qərarı həddindən artıq absurd və qeyri-ciddidir. Onun sözlərinə görə, əslində, bu məsələ bir neçə ay idi müzakirə olunurdu və Hafiz Hacıyev neçə müddətdir bu barədə müraciət etmişdi.
Ə.Kərimli deyib: “Guya indi bunlar cinayət işini fakta görə qaldırıldığını göstərmək istəyirlər. Ancaq orada söhbət, cinayət işini mənə qarşı qaldırmaqdan gedir. Bu isə absurd bir qərardır. Hamı bilir ki, rəhmətlik Əbülfəz Elçibəy uzun sürən xərçəng xəstəliyindən dünyasını dəyişib”.
Xatırladaq ki, Müasir Müsavat Partiyasını sədri Hafiz Hacıyevin iddiası əsasında Bakı Şəhər Prokurorluğunda Ə.Elçibəyin ölüm səbəbi ilə bağlı qəsdən adam öldürmə maddəsi ilə cinayət işi açılıb. Prokurorluq cinayət işinin fakta görə, açıldığını bildirsə də, Hafiz Hacıyev iddiasında Ə.Kərimlinin adını hallandırıb.
