"Dezinformasiyaya qarşı birgə mübarizə Türkiyə ilə Azərbaycana qarşı informasiya savaşını aparan qüvvələrin eyni olmasından irəli gəlir”.
Bunu Sosial Tədqiqatlar Mərkəzinin və Milli Məclisin İnsan hüquqları komitəsinin rəhbəri Zahid Oruc "Azərbaycan və Türkiyə arasında media sahəsində strateji əməkdaşlıq haqqında anlaşma memorandumunun 5 ili - Birgə fəaliyyətə baxış, gələcək hədəflər” adlı dəyirmi masada deyib.
Z. Oruc bildirib ki, Azərbaycan və Türkiyə mediasının bir araya gəlməsi mühüm hadisədir: "Müharibənin ilk günündən dövlət başçılarının birliyi qələm əhlinə də stimul verir. Müharibə zamanı milli media ordunun uğurunu tamamladı. İnformasiya müharibəsində düşmənlərimiz eynidir. Onlara qarşı birgə mübarizə apararaq qalib gəlməliyik”.
