İngiltərə ordusu sosial mediadan istifadə etmək üçün "Feysbuk" taboru yaradıb.
AZXEBER.COM xəbər verir ki, Trend-in Türkiyə mətbuatına istinadən verdiyi məlumata əsasən, bununla da ordu sosial media vasitəsilə təşviqat əməliyyatı aparmaq niyyətindədir.
Yeni birliyin vəzifəsi sosial şəbəkədə təşviqatla məşğul olaraq düşmən üzərində üstünlük əldə etməkdir. Ölkədə "Feysbuk" döyüşçüləri kimi xarakterizə edilən birliyin əsl adı 77-ci tabordur.
1500 nəfərdən ibarət tabordakı əsgərlər sosial media mütəxəssisi, haker, kommunikasiya mütəxəssisləri kimi özəlliklərə malikdirlər. Yeni tabor "Tvitter"dən də istifadə edəcək.
