AZXEBER.COM xarici mediaya istinadən xəbər verir ki, ötən ilin əvvəlində Instagram-ın baş direktoru Adam Mosseri Reels formatının gözlənilənləri vermədiyini və TikTok-un irəlidə olduğunu açıqlayıb.

Buna görə də şirkət platformaya yeni funksiyalar əlavə edərək istifadəçilərinin sayını artırmağı planlaşdırır.

Artıq istifadəçilər üçüncü tərəf proqramlarından istifadə etmədən Reels videolarını ictimai hesablardan telefonlarına endirə biləcəklər.

Reels videolarını necə yükləmək olar?

Reels yükləmək istəyən istifadəçinin etməli olduğu yeganə şey paylaşım bölməsinə keçmək və "Yükləmə" seçiminə toxunmaqdır.

Digər tərəfdən, bunu etməklə endirilən videolarda xüsusi su nişanı olacaq. Belə ki, endirilən video başqa hesabda paylaşıldıqda videonun yükləndiyi aşkar olacaq.

İstifadəçilər həmçinin öz hesablarında Reels videolarının endirilməsini bloklaya biləcəklər. Bundan əlavə, istifadəçilər paylaşdıqları Reels videoları üçün yükləmə seçimini fərdi olaraq söndürə biləcəklər.

18 yaşdan kiçik istifadəçilər üçün Reels yükləmə funksiyası defolt olaraq deaktiv ediləcək.