“Rüstəm İbrahimbəyov müxalifətin yox, Milli Şuraya toplanmış qüvvələrin namizədidir.”
Bu sözləri AZXEBER.COM-a açıqlamasında Azərbaycan Demokrat Partiyasının (ADP) sədri Sərdar Cəlaloğlu kinodramaturq Rüstəm İbrahimbəyovun Milli Şuranın vahid namizədi elan olunmasına münasibət bildirərkən deyib. S. Cələlaloğlu bildirib ki, Rüstəm İbrahimbəyovun vahid namizəd elan olunması rəsmi qərar deyil:“Bu bir siyasi qərardır. Məcəlləyə uyğun olaraq prezidentliyə namizədin adının rəsmi olaraq elan edilməsinə hələ bir ay var. Bu səbəbdən seçkidə vahid olaraq Rüstəm İbrahimbəyovun namizədliyi məlum deyil. O ki qaldı Rüstəm İbrahimbəyovun “Azərbaycana qayıdıram” kimi açıqlamalarına, bu, diplomatik məqamdır. Bununla o, “Gəlməyəcəyəm” mesajını vermiş olur.
Partiya sədri Milli Şuranın sədrinin proseslərə internet vasitəsi ilə qoşulmasına da münasibət bildirib: “İnternetlə həyata keçirilən proseslərə gəldikdə isə, onu deyə bilərəm ki, internet vasitəsi ilə yalnız şuranı idarə etmək olar, seçkilərdə iştirak etmək mümkünsüzdür.”
Əfsələddin Ağalarov
