Azərbaycan Milli Demokrat Partiyasının (AMDP) üzvləri İranın Azərbaycandakı səfirliyinin binası qarşısında piket keçiriblər.
APA-nın xəbərinə görə, piket İran prezidenti Mahmud Əhmədinejadın Ermənistana səfərinə,işğalçı ölkə ilə iqtisadi-siyasi anlaşmaya getməsinə etiraz əlaməti olaraq təşkil edilib. Piketdə “Əhmədinejad - müsəlmanların düşməni!”, “Rus, fars, erməni - bunlar türkün düşməni!”, “Ermənistanla anlaşmaya gedən Əhmədinejad, sən müsəlmansan!” və s. şüarlar səsləndirilib.Aksiyanın qətnaməsi oxunub. Daha sonra qətnamə səfirliyə təqdim olunub.
