İranda ötən sutka ərzində 259 nəfər koronavirusdan (COVID-19) ölüb.
AZXEBER.COM Trend-ə istinadən xəbər verir ki, bunu İranın Səhiyyə, Müalicə və Tibbi Təhsil Nazirliyi elan edib.
Bununla da İranda bu virusdan ölənlərin sayı 88 532 nəfərə yüksəlib.
İranda ötən 24 saat ərzində 18 632 nəfər koronavirusa yoluxub. Beləliklə ölkədə bu virusa yoluxanların sayı 3 664 286 nəfərə çatıb. Virus daşıyıcılarından 4 784 nəfərin vəziyyəti ağır qiymətləndirilir.
İranda indiyədək 3 239 172 nəfər koronavirusdan sağalıb, 25,4 milyondan çox diaqnoz testi həyata keçirilib.
