İranda koronavirusa yoluxanların sayı artıb.
İran Səhiyyə Nazirliyinin sözçüsü Kiyanuş Cahanpur daha 2 311 nəfərdə koronavirus aşkarlandığı və bununla da yoluxma faktlarının sayı 131 652-ə çatdığını açıqlayıb.
Bildirilib ki, ölkədə koronavirusdan ölənlərin sayı daha 51 nəfər artaraq 7 300 nəfərə yüksəlib.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 5,2 milyonu ötüb. Bunların 2 milyon nəfərdən çoxu sağalıb, 335 mindən çoxu isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
///Report
