Şəhriyar atası, Fərid anası ilə danışıb Təbrizdə yoxa çıxmış azərbaycanlı şairlərdən şad xəbər var. Şəhriyar del Gerani bu gün atasına, Fərid Hüseyn isə anasına Təbrizdən zəng edib. Bu haqda Kulis.az-a Şəhriyarın atası Hacı Mail məlumat verib: “Oğlum dedi ki, müstəntiqin telefonu ilə zəng edir. Dedi hər şey qaydasındadı, yaxşı yerdə saxlayırlar onları. Yemək-içməkləri qaydasındadır”. Saxlanma səbəbləri ilə bağlı Şəhriyar atasına bunları deyib: “Oğlum dedi ki, onlar İrana gedəndə konsulluqda qeydiyyatdan keçməyiblər. Onları buna görə saxlayıblar. İndi İranın Azərbaycandakı səfiri Təbrizdəki Azərbaycan konsulluğuna tələbnamə göndərməlidir. Bundan sonra onları sərbəst buraxacaqlar. Bunun üçün 2 gün vaxt lazımdır”.
