“İRƏLİ” Boston şəhərində baş vermiş partlayışla bağlı Amerika Birləşmiş Ştatlarının Azərbaycandakı Fövqəladə və Səlahiyyətli səfiri Riçard Morninqstara məktub göndərib.

AZXEBER.COM-un məlumatına görə, məktubda qeyd edilir:

Hörmətli Cənab Səfir,

Bazar ertəsi Boston şəhərində baş vermiş partlayış xəbərini və bu hadisələrdə insanların həlak olması və yaralanması xəbərini kədər hissi ilə qarşıladıq.

Öz adımdan və rəhbərlik etdiyim “İRƏLİ” İctimai Birliyinin üzvləri adından Sizin simanızda Amerika xalqının bu ağır günündə dərdinə şərik olduğumuzu bildiririk. Yaxınlarını itirmiş şəxslərin ailələrinə başsağlığı verir, onlara səbr arzulayır və yaralanmış insanlara şəfa diləyirik.