“İRƏLİ” İctimai Birliyi Azərbaycanın müstəqilliyinin 20-ci il dönümünə həsr olunmuş “Azerbaijan 2011 - age 20, 11 youth” adlı filmini təqdim edib.
Birliyin mətbuat xidmətinin rəhbəri Vəfa Rüstəmovanınn AZXEBER.COM-a verdiyi məlumata görə, filmin süjet xətti fəal gənclər tərəfindən Azərbaycanın müstəqilliyinin 20 ili ərzində baş verən hadisələrin dəyərləndirilməsi üzərində qurulub. Şərti olaraq “Təhsil”, “Gənclərin fəaliyyəti”, “Tolerantlıq”, “Turizm” və “Bakı” adlı 5 hissədən ibarətdir.
Film bütünlüklə “İRƏLİ” Prodakşn tərəfindən hazırlanıb. Filmin ideya müəllifi Rauf Mərdiyev, rejissorları Elvin Abdullayev və Orxan Muxtarlıdır.
“Azerbaijan 2011 - age 20, 11 youth” film ingilis dilindədir və daha çox xarici auditoriya üçün nəzərdə tutulmuşdur. Filmin DVD versiyası diplomatik korpus nümayəndəliklərinə, dövlət və biznes qurumlarına göndərilmişdir.
AZXEBER.COM həmin filmi təqdim edir
