"1. Türkiyə xalqını möhtəşəm demokratik seçki, AK Partini qələbə, CHP-ni millət vəkillərinin sayını artırması, MHP-ni bütün çətinliklərə, basqılara rəğmən TBMM-də qalmaq münasibəti ilə təbrik edirəm.
2. Türkiyədə növbəti dəfə azad və ədalətli seçkilər keçirildi. Bununla da növbəti dəfə həm demokratiyanın İslam dünyasına uyğun olmadığını söyləyən konservativ İslam mütəxəssislərinin, həm müsəlmanların demokratiyaya qadir olmadığını deyən konservativ Qərb analitiklərinin, əslində həm də Azərbaycan xalqının azad seçkilərə hazır olmadığını iddia edən bəzi Azərbaycan iqtidar mənsublarının yanlış mövqeyinə zərbə vuruldu.
3. AK Parti böyük uğur qazandı. 9 il iqtidarda olan bir siyasi qüvvə üçün 3-cü dəfə seçkilərdə belə uğur qazanmaq çox ciddi göstəricidir. Türkiyənin bütün siyasi qüvvələri bu mövzuda əsaslı düşünməlidirlər.
4. AK Parti təkpartiyalı hökumət qura bilsə də, Türkiyədə ciddi islahatlar məqsədi ilə digər siyasi qüvvələrlə anlaşma şəraitində çalışmalı olacaq. Bu istər demokratiyanın təminatı baxımından, istərsə də Türkiyənin birliyi, bütünlüyü baxımından bir üstünlük kimi qiymətləndirilməlidir.
5. Bir neçə saat bundan əvvəl mən TWITTER-də İsveç xarici işlər naziri Karl Bildtin fikrini oxudum. Yazırdı ki, (Key European election: 50 million Turks to the polls today. Hope result will pave way for new wave of reforms. Key country for our future.) “Türkiyə bizim (yəni Avropanın) gələcəyimiz üçün açar ölkədir”. Bu bir həqiqətdir. Təkcə Avropa üçün deyil, Yaxın Şərq və bizim region üçün də, Azərbaycan üçün də Türkiyə və bu ölkədəki seçkilər həddindən artıq önəmlidir. Biz bunun təsirini görəcəyik".
/// deyerler.org
