AZXEBER.COM portalı məsələnin mənəvi tərəfini diqqətə alaraq, Azərbaycan İslam Demokrat partiyasının sədri Tahir Abbaslının münasibətini öyrənib.
Partiya sədri bu cür paradın keçirilməsinin biabırçılıq olduğunu söyləyib: “Azərbaycan müstəqil dövlət olduğunu dünyaya təqdim etmək istəyir. Düşünürəm ki, mentalitetimizə uyğun siyasət yeritməliyik. Dünya ölkələri ilə hesablaşmalıyıq, lakin o demək deyil ki, düşmənlərin, bizi siyasət meydanından sıxışdırmaq istəyənlərin əlinə imkanlar verməliyik. Azərbaycan dünyada yaşayan bütün insanlar üçün açıq qapıdır. Bu o demək deyil ki, bizim insanlarımıza yaraşmayan, məxsus olmayan tədbirlər paytaxt Bakımızda keçirilməlidir. Buna heç cür haqq qazandırmaq olmaz. Yeni yaranmış bir ölkə olaraq uğurlu-uğursuz addımlarımız da çoxdur. Ancaq belə bir vaxtda belə bir şouya ehtiyac yoxdur. Bizim insanlarımızın həyatında bu cür hadisələr çoxluq təşkil etmir. Maraqlısı budur ki, ümumiyyətlə bu parada gələn olacaqmı? Gənclər bu kimi tədbirlərdən necə təsirlənə bilərlər, heç bu haqda düşünən varmı ?
Tahir Abbaslı məsələnin İslami cəhətdən yolverilməz olduğunu və bu paradın keçiriləcəyi təqdirdə Azərbaycanı hər fürsətdə təhqir etməyə çalışan İrana fürsət verəcəyini qeyd edib: “İslam dini də qeyri –islami hadisələrin həyata keçirilib, reallaşdırılmasına qarşıdır. Mən gey paradı şou proqram adlandırardım. Ancaq müsəlman aləmindəki nüfuzumuza da çox böyük xələl gətirəcəyi qaçılmazdır. Hökumət belə məsələlərdə sayıq olmalıdır. Məsələn, fars molla rejiminin əlində bu paraddan sonra sənəd olacaq ki, Azərbaycan müsəlman ölkəsi deyil. Bizi dinsiz olmaqda günahlandıracaqlar. Avropanın bu kimi təzyiqləri görünməmiş deyil. Bir tərəfdən Azərbaycan istəyir ki manevr etsin. Həm Azərbaycan, həm də Avropa unutmamalıdır ki, “hər evin öz mətbəxi olduğu kimi”, hər yerin də öz insanları , öz xüsusiyyətləri vardır. Avropanın əsas məqsədlərindən biri də bizi müsəlman dünyasından ayırmaqdır. Unutmamalıyıq ki , müsəlman aləminə xidmətlərimiz danılmaz fakt olaraq tarixə yazılıb. Bu paradın həyata keçməsi ilə həm də tariximizə Avropanın istədiyi silinməz ləkə yazılmış olacaq”.Partiya sədri sonda “İslam Demokrat Partiyası” nın bununla bağlı öz şikayətini bildirəcəyini də inkar etməyib: “İslam Demokrat Partiyası” olaraq biz Siyasi Şuranın toplanmasını gözləyirik .Bütün irad və təkliflərimizi, şübhəsiz bildirəcəyik. Bu məsələnin ciddiliyinə və həssaslığına hamı bir olub yanaşmalıdır. Maneələri qırmaq, birgə irəliləmək vaxtıdır. İnsanlarda ruh yüksəkliyi yaratmaq lazımdır,onları qələbəyə kökləmək lazımdır. Müxalif fikirli insanların hüquqları təmin edilmir, hər hansı bir tədbiri keçirilməsinə icazə verilmir və onlar həbs edilir. Bəs xeyir ola bu cür parada şərait yaradılır? Məgər onların hüquqları hüquq deyilmi?Gülnarə Bayramova
