İsrail Ordusu Qəzza zolağının HƏMAS-ın hərbi obyektinə və Fələstin anklavının sahilyanı zonasındakı bir neçə gəmiyə zərbələr endirib.
Bu barədə ordunun mətbuat xidmətinin məlumatında bildirilib.
"İsrail Müdafiə Ordusu Qəzzanın şimalında HƏMAS-ın hərbi obyektinə zərbə endirib, burada İsrail ərazisinə raket atılması üçün hazırlıq aparılırdı. Bundan əlavə, İsrail donanması Qəzza zolağının sahilyanı zonasında bir neçə gəmiyə zərbələr endirib. Bu gəmilər HƏMAS və "İslami Cihad" tərəfindən terror fəaliyyətində istifadə üçün nəzərdə tutulub", - məlumatda qeyd edilib.
Qurumdan bildirilib ki, İsrail Ordusu ölkə vətəndaşlarına və qüvvələrinə qarşı hər hansı təhlükəni aradan qaldırmaq üçün Qəzza zolağında terror hədəflərinə zərbələr endirməyə davam edir.
