ABŞ mediası İsrailin ilin ortalarına qədər İranın Natanz və Fordo nüvə obyektlərinə qabaqlayıcı zərbə endirəcəyini irəli sürüb.
AZXEBER.COM Qərb mediasına istinadən xəbər verir ki, bu iddiayla "Washington Post" qəzeti çıxış edib.
Məlumata görə, İsrail hücumu həyata keçirərsə, bölgədə gərginlik daha da artacaq və genişmiqyaslı qarşıdurma riski yaranacaq.
Nüfuzlu mətbu orqanı İsrailin İranın nüvə proqramına qarşı hərəkətə keçdiyini də yazıb.
Ağ Ev Milli Təhlükəsizlik Şurasının sözçüsü Brayan Hyus deyib ki, Tramp İranın nüvə silahı əldə etməsinə imkan verməyəcək.
"Birləşmiş Ştatlar İranla uzun müddətdir davam edən problemlərinin sülh yolu ilə həlli üçün danışıqlara üstünlük versə də, İran razılaşmaqdan imtina edərsə, o, əbədi olaraq gözləməyəcək", - Hyus deyib.
Mikayıl
