İsrail ordusunun Qəzza zolağının müxtəlif bölgələrində həyata keçirdiyi hücumlarda əksəriyyəti uşaq olan 22 fələstinli həyatını itirib, çoxlu sayda fələstinli də yaralanıb.
AZXEBER.COM xarici mətbuata istinadən xəbər verir ki, bu barədə Qəzzadakı səhiyyə mənbələri və hadisə şahidləri məlumat verib.
Məlumata görə, İsrail ordusu Qəzza zolağının şimalında Cibaliya qaçqın düşərgəsinin qərbində yerləşən evə zərbələr endirib. Hücumda 10 fələstinli həyatını itirib.
Qəzza zolağının şimalında, Qəzza şəhərinin şimal-qərbində Hamed xəstəxanası yaxınlığındakı bir ev də İsrail qüvvələri tərəfindən atəşə tutulub. Hücum nəticəsində 7 nəfər ölüb, çoxlu sayda insan yaralanıb.
İsrail ordusu Qəzza şəhərinin şərqində və cənubunda Zeytun, Tuffah və Şucayyə məhəllələrinə də intensiv artilleriya hücumu təşkil edib.
Dünən Xan Yunusda uçan evin dağıntıları altından iki nəfərin də cəsədi çıxarılıb.
Oksana
