"Jurnalistlər Sülh və İnkişaf Uğrunda" İctimai Birliyi, siqarət əleyhinə təbliğat işini genişləndirməkdə israrlıdır. Qurumun rəhbəri Mətləb Salahov AZXEBER.COM-a bildirib ki, jurnalist təşkilatı Azərbaycan ərazisində ictimai yerlərdə siqaret çəkilməsinin qadağan olunması barədə Milli Məclisdə qəbul edilməsi gözlənilən qanun layihəsinin srtləşdirilməsini təklif edir. Qurum rəhbərinin bildirdiyinə görə, hər il milyonlarla insanın həyatını məhv edən bu zərərli nikotin növünün ictimai yerlərdə çəkilməsinə sərt şəkildə qadağa qoyulması, olduqca vacibdir:
"Biz jurnalist təşkilatı olaraq dəfələrlə jurnalistlərin siqaret əleyhinə mübarizəsi barədə təkliflərlə çıxış etmişik. İndi də Milli Məclisdə qəbul edilməsi gözlənilən ictimai yerlərdə siqaret çəkilməsini qadağan edən qanunun kifayət qədər sərtləşdirilməsini təklif edirik. Qanun, xüsusi ilə ictimai yerlərdə siqaret çəkən şəxslərin ciddi şəkildə cərimə olunmasını nəzərdə tutmalıdır ki, qəbul edilən qərar təsirli xarakter daşısın və insanlar bu qanuna riayət etməyə məcbur olsunlar. Burda, ciddi maliyyə sanksiyaları və hətta inzibati cərimə yer almalıdır"-deyə M.Salahov fikrini tamamlayıb.
