Sentyabrın 6-da AVRO-2020-nin seçmə mərhələsi çərçivəsində Azərbaycan millisi ilə qarşılaşacaq Uels yığmasının heyətində dəyişiklik olub.
AZXEBER.COM xəbər verir ki, Yuventus-un formasını geyinən Aaron Remsi heyətdən çıxarılıb. Onu İngiltərənin Manchester United komandasının oyunçusu Dilan Levitt əvəzləyib.
Dəyişikliyin səbəbi açıqlanmayıb.
Zədəyə görə sonuncu dəfə bu ilin aprelində meydana çıxan 29 yaşlı yarımmüdafiəçi oyun təcrübəsizliyindən əziyyət çəkir. Onun adı A seriyasının I turunda Parma ilə matçın protokoluna da daxil edilməyib.
Xatırladaq ki, Cardiff şəhər stadionunda keçiriləcək matç Bakı vaxtı ilə saat 22:45-də başlayacaq.
