Suriyada vəziyyət çətinləşdikcə, 3500 nəfər etnik erməni Ermənistana gətirilib.
ANS PRESS-in “Novosti Armeniya” agentliyinə istinadən verdiyi məlumata görə, bu barədə Ermənistan Ümumxeyriyyə Cəmiyyətinin idarə heyətinin üzvü Vazgen Yakubyan məlumat verib. Onun sözlərinə görə, hazırda Suriyada 80-90 min erməni yaşayır: “Onların böyük hissəsi Hələb şəhərindədir. Bizdə olan məlumata görə, bu günədək Suriyadan Ermənistana ümumlikdə 3500 erməni köçürülüb”.
V.Yakubyan bildirib ki, hazırda cəmiyyət Ermənistan Diaspora Nazirliyi ilə birgə Suriyadan köçürülən ermənilərin bazasını yaratmaqla məşğuldur. Cəmiyyət həmçinin ehtiyacı olan Suriya ermənilərinə maddi yardım etmək barəsində düşünür.
